Sünnət

Sünnət

Sünnət (sirkümsiziya), penisin uc hissəsini (glans) örtən dəri hissəsinin (prepisyum) kəsilərək çıxarılması deməkdir. Dini və ya tibbi əsaslarla görə tədbiq olunur. Normal penis inkişafı zamanı glans və pülük dərisi (prepisyum) yapışıqdır (fizyoloji fimoz). Beş yaşına qədər uşaqların 75%-də normal olaraq bu yapışıqlıq ola bilər. Zaman içərisində bu nisbət azalır və sünnət dərisi penisdən ayrılır.

Təkrarlayan sidik yolu infeksiyaları, sünnət dərisinin darlığına (fimoz) bağlı rahat işiyəbilməmə, ana bətnində müəyyən edilmiş sidik axarına aid pozğunluqlar, veziko-üreteral reflyuks kimi sidik yolu infeksiyasına səbəb ola biləcək anomaliyalarda sünnət vaxtından əvvəl məsləhət görülə bilər.

Xüsusən sünnət dərisi dar isə, bunu zorlayaraq açmağa çalışmaq cinsiyyət orqanın dərisinə zərər verəcəyindən bunu etmək məsləhət değil.

Ailənin istəyinə bağlı sünnətlər üçün təklif edilən yaş intervalı 6 ay ilə 2 yaş arası və ya 6-ci yaşdan sonradır. 2-6 yaş arası uşaqlarda sünnət nadir də olsa bir sıra psixoloji problemlərə yol aça bilər.

Doğumdan sonra aparılan yenidoğan sünnəti də əgər ailə istəyirsə bir alternativ ola bilər.

Sünnət üçün ən əhəmiyyətli məsələ odur ki; sünnət əməliyyatı cərrahi prinsiplərə əməl edilərək, təcrübəli bir həkim tərəfindən yerinə yetirilməlidir, çünkü üsuluna uyğun edilməz isə bütün cərrahi əməliyyatlarda olduğu bir sıra ciddi ağırlaşmalara yol açabilər.

Estetik Sünnət

Estetik sünnətində məqsəd dəri və daxili pülüyün (mukozanı) milimetrik olaraq 4-5 mm ölçülüb saxlanmasıdır. Bu, estetik görünüşə səbəb olur və anatomik olaraq dəri nə uzun nə də qısa kəsilməli. Öz-özünü sürətlə əriyən incə tikişlərin istifadə edilməsi yara izinin qalmaması məqsədi daşıyır.

Uşaq Urologiyası Uzmanı – Dr.Pərviz Hacıyev – FEAPU